Nasdaq: Apríl ringasti mánaðurin síðan 2008

Apríl hevur verið tann ringasti mánaðurin fyri amerikanska vísitalið – partabrævaindeksið – Nasdaq, síðan alheimsfíggjarkreppan í 2008.

Tað skrivar DR, ið vísir til grein hjá blaðnum Financial Times.

Tøknidomineraða vísitalið hevði eina afturgongd á 13,3 prosent, ið er tað mesta síðan oktober í 2008.

Grundgevingin fyri hetta er m.a., at íleggjarar stúra fyri vaksandi rentum og minkandi búskaparvøkstri.

Ein onnur orsøk er skuffandi roknskapurin hjá tøknirisunum Amazon, Apple og Netflix, sum varð kunngjørdur herfyri.