Nato-flaggið í húnar hátt í Stockholm

Eftir tvey ára bíðitíð, varð Nato-flaggið í dag vundið í húnar hátt framman fyri Ríkisdegnum í Stockholm

Carl Gustaf kongur var við til hátíðarhaldið, har hann millum annað vísti á søguliga týdningin fyri limaskapin.

- Hetta er eitt nýtt petti í svenskari søgu, sum í dag verður skrivað. Hernaðarliga samgongufrælsið, sum Karl XIV Johan kongur grundlegði er nú lagt aftur um okkum, segði Carl Gustav kongur millum annað.

Við limaskapinum verður punktum skrivað í einum søguligum tíðarskeiði á 200 ár við hernaðarligum samgongufrælsi. Kongur legði tó dent á, at friður framvegis er fremsta ynskið hjá Svøríki.

Eisini svenski forsætisráðharrin, Ulf Kristersson, og svenski tjóðartingsformaðurin, Anders Norlén, hildu røðu á hátíðarhaldinum í dag. 

Carl Gustav kongur (Mynd: EPA)

Ulf Kristersson, forsætisráðharri (Mynd: EPA)