NB Fysioterapi nýggj klinikk í Tórshavn

NB Fysioterapi eitur nýggja klinikkin, sum er latin upp í venjingarmiðstøðini Burn Fitness í miðbýnum í Havn.

- Vit hjálpa ítróttarfólki og aktivum borgarum aftur til tað aktiva lívið tey ynskja at liva.

Soleiðis stendur skrivað á heimasíðuni hjá NB Fysioterapi, www.nb.fo, og er tað ikki av tilvild, at teir húsast í Burn Fitness. Teir leggja seg nemliga eftir at hjálpa ítróttarfólki, umframt tí aktiva føroyinginum, og kunnu teir í hesum sambandi veita fyribyrgjandi venjing og endurvenjing.

Tað eru Niklas Reginsson og Bjartur B. Thomsen, ið saman byrjaðu klinikkina í november 2019.

Til ber at lesa meira um NB Fysioterapi á heimasíðu teirra.