Síðani Eysturoyartunnilin lat upp, hevur nógv verið skrivað og kjakast um ferðaætlanin hjá Strandferðsluni á nøkrum leiðum.
Tað er serliga leið 400 - millum Klaksvík og Tórshavn - har tað hava verið nakrar knútar, ið nógv vilja hava loyst. Tá nýggja ferðaætlanin varð avdúkað, vóru tað serliga tey í Sundalagnum og á vestara armi av Skálafjørðinum, ið vóru ónøgd.
Fyri tveimum vikum kunngjørdi Strandferðslan, at ætlanin er at gera broytingar á fýra av leiðunum - leið 400, 401, 440 og 450. Hetta kemur eftir ætlan í gildi 1. apríl, og í løtuni eru tillagingarnar til hoyringar.
Les eisini: Ferðaætlan fyri fýra leiðir sent til almenna hoyring
Síðani tær vórðu sendar til hoyringar, hava nógvar røddir verið frammi og víst sína ónøgd. Serliga hava tað verið klaksvíkingar, og í gjár kom borgarstjórin í Eysturkommunu eisini fram við sínari meining. Ætlanin er, at bert ein túrur aftur og fram millum Klaksvík og Havnina, har koyrt verður ígjøgnum Eysturoyartunnilin.
Í viðtalu við Kringvarpið í gjár segði Hilmar Eliasen, at neyðugt er við eykajáttan, um bussambandi skal betrast. Stjórin í Strandferðsluni segði eisini, at ein arbeiðsbólkur fer at taka saman um viðmerkingarnar, sum koma, tá hoyringarfreistin er farin.
Innanlands
Neyðugt við eykajáttan
Hetta er veruleikin, um bussambandið millum Klaksvík og Havnina skal betrast. Tað sigur stjórin í Strandferðsluni við Kringvarpið
Nógv hava víst sína ónøgd um ætlaninar hjá Strandfaraskipum Landsins á leið 400 (Mynd: Sverri Egholm)
2021-03-17 10:30
Vinarliga broyt tínar kennifíla - og privatlívsstillingar fyri at síggja hetta innihald