Agnar Prestá
Tórshavnar kommuna hevur broytt hámarksferðina á einum vegastrekki millum Ringvegin og móti Velbastaðhálsi (rulliportrinum). Hetta er undir og framvið Norðasta Horni.
Fyrr kundi man koyra 80 her, eins og vanligt er á landsvegi, men nú er hámarksferðin 60.
Um fleiri bilførar ikki eru varugur við hetta skal ikki sigast endaliga, men tá løgreglan gjørdi ferðmátingar har í gjár kundi staðfestast, at fleiri koyrdu lutfalsliga alt ov skjótt á strekkinum.
Tveir bilførarar fingu treytaða frádøming fyri at koyra ávíkavavist 86 km/t og 94 km/t. Tveir aðrir - sum koyrdu 83 km/t og 79 km/t sluppu eitt sindur lættari: Klipp og bót.
Hesum boðar vaktleiðarin á løgreglustøðini frá í morgun.
Hann sigur, at kanska serliga sandoyingar, og fólk sum annars koma úr undirsjóvartunnlinum, skulu vera varugur við hetta: At talan er um 60 km/t øki.
Vinarliga broyt tínar kennifíla - og privatlívsstillingar fyri at síggja hetta innihald