Níggju bøtur og eitt klipp

Seinasta samdøgrið hevur verið serstakliga friðarligt, sigur løgreglan, og hóast hált hevur verið úti, hevur einki óhapp verið í hálkuni.

Tíðliga seinnapartin í gjár var løgreglan tó úti og gjørdi ferðamátingar Í Streymoynni, og har vóru tíggju mál skrivað. 

Níggju bilførarar fingu bót, og ein bilførari í Kollafirði fekk klipp fyri at koyra 76 km/t í bygdum øki, har mest loyvda ferðin er 50.