Níggju koronutilburðir í 942 kanningum

Í gjár, hósdagin 7. oktober, vórðu níggju nýggir kronutilburðir staðfestir í Føroyum. Hetta vísa nýggjastu tølini hjá landslæknanum.

- Átta persónar eru smittaðir í Føroyum av kendum smittukeldum. Ein persónur er staðfestur smittaður fýra dagar eftir komu til Føroyar.

Hetta skrivar corona.fo.

942 kanningar vóru gjørdar seinasta samdøgrið.

Í løtuni eru 119 smittað í Føroyum, og hetta eru níggju færri enn í gjár; tað kemst av at átjan fólk ikki longur eru skrásett sum smittað.

Ein persónur við koronu er innlagdur, og harvið er ein útskrivaður síðani tølini vórðu gjørd upp í gjár.