Nógv lata seg kanna

Staðfestu tilburðir seinastu dagarnar, og óvissan um smittukeldurnar hevur fingið nógv fólk at lata seg kanna. Um ikki annað fyri at vera á tryggu síðuni.

Hjá privatu kanningarstovuni Thetis var bíðirøð um middagsleitið, og har lótu tey upp fyrr og stongja seinni enn vanligt orsakað av øktum eftirspurningi.

Seinastu tveir dagarnir eru fleiri enn 700 kanningar gjørdar um dagin.

Í løtuni eru sjey staðfest positiv við koronu, og 28 eru í sóttarhaldi. Eingin er innlagdur.

Tilsamans eru 264.482 koronukanningar gjørdar.