Nógv nýggj dagstovnapláss á veg í Tórshavnar kommunu

Stóri fólkavøksturin í Tórshavnar kommunu hevur við sær tørv á fleiri dagstovnaplássum.

Hetta skrivar Tórshavnar kommuna á heimasíðu sínari, har greitt verður frá støðuni í løtuni, og ætlanunum sum eru: 

- Í løtuni umbyggir kommunan Miðstovnin í Kongagøtu. Ætlandi verður bygningurin liðugur og klárur at taka í nýtslu í apríl. Í hesum sambandi fer býráðið í kvøld at játta fígging til 24 nýggj vøggustovupláss í Miðstovninum.

- Harumframt verða eisini fleiri pláss í Lonunum í Hoydølum. Har verða ein vøggustova og ein barnagarðsstova stovnað við tilsamans 32 plássum.

Lagt verður afturat, at kommunan eisini fyrireikar eisini av Dagstovninum á Hamrinum , har ætlanin er at víðka stovnin við fýra stovum ella uml. 64 plássum.

Rættað: 19.45