Nógv undirhald til børnini á Bátafestivalinum á Toftum

Í morgin, 1. mai verður bátafestivalur á Toftum, og á festivalinum verður eisini ymiskt á skránni til børnini.

Fleiri av ymisku tiltøkunum  byrja, tá bátarnir leggja at í bátahylinum um klokkan 13 leygardagin, skriva fyriskiparar í tíðindaskrivi.

M.a. kemur Tatanka við ymiskum hoppiborgum, umframt at andlitsmáling verður á skránni í tjaldinum.

Sum nakað nýtt verður eitt minni tjald eisini sett upp til børnini. Har verður ymiskt, sum børnini kunnu keypa sær at eta eitt nú vaflur og vattís.

Fyri tey minstu verður skattaveiða saman við sjórænarum kl.14.30. Skattakortið verður tikið fram, og sjórænararnir fara at leiða børnini gjøgnum ein spennandi gongutúr á bátafestivaløkinum fyri at finna skattin.