Seinastu dagarnar eru fleiri koronukanningar gjørdar í Føroyum, nú koronasmittan er byrjað at gera um seg í føroyska samfelagnum aftur.
Sjúkrahúsverkið hevur víðkað um upplatingartíðirnar fyri koronukanningum á øllum trimum kanningarstøðunum orsakað av vaksandi eftirspurninginum, og privata kanningarstovan Thetis hevur eisini víðkað um upplatingartíðirnar seinastu dagarnar.
Stóri eftirpsurningurin merkti eisini, at bíleggingarskipanin hjá corona.fo ikki var tøk eina løtu fyrrapartin, og Margit Stórá, varastjóri á Landssjúkrahúsinum sigur við Dimmalætting seinnapartin, at ongar kanningartíðir eru eftir í Havn í løtuni.
Seinnapartin er røðin av bilum við skúlan í Trongisvági í Suðuroynni, har kanningar verða gjørdar, eisini vorðin rættiliga lang.
Vinarliga broyt tínar kennifíla - og privatlívsstillingar fyri at síggja hetta innihald