Nógvir kvívíkingar til seyðasýning

Leygardagin var seyðasýning í seyðahúsinum hjá Ognarhaganum, uppi á Símunarbrekku í Kvívík, og fýra hagapartar luttóku. 

Virðislønir vóru latnar til bestu veðragjólingar nr. 1, 2, og 3. Bestu hagar nr. 1, 2, og 3, besta veturgamla veðr og besta eldri veðr. 

Úrslitini fyri veðragjólingar vóru hesi: 
1. Eigari Karstin S. Wang, Norðihagi
2. Eigari Hanus Joensen, Ognarhagin
3. Eigari Dánjal Petur Müller, Útihagi 

Úrslitini fyri hagarnar vóru hesi: 
1. Útihagi við 19,67 stigum í miðal 
2. Frammihagi við 18,54 stigum í miðal
3. Norðihagi við 17,67 stigum í miðal 

Besta veðurgamla veðr átti Øssur Andreassen, Frammihagi. 

Og besta av eldru veðrunum átti Monika Kartinsdóttir, Norðihagi. 

Fyrireikararnir siga, at undirtøkan fyri tiltakinum vísir seg at blíva betri og betri. Í alt vóru 53 seyðir, 44 veðragjólingar og 9 veðrar, sýndir.  

Nógv fólk høvdu leitað sær í húsið at síggja, og tað gevur góðan hug at skipa fyri tiltakinum aftur næsta ár, siga fyrireikararnir.

Sýnarar vóru Esmar Sørensen, Niels Absalonsen, Petur Andreassen og Hans Jákup Kallsberg.