2022-11-10 09:44
Eitt lágtrýst, sum júst er farið fram við norður um oyggjarnar hevur nógva vind av útsynningi við sær.
Landsverk ávarar um heilt nógvan vind í hæddunum. Á Norðradalsskarði eru hvirlurnar oman fyri 40 metrar um sekundið, og aðrastaðni, eitt nú á Hálsinum í Sandavági og um Gjáarskarð, er er vindmegin oman fyri 30 metrar um sekundið.
Løgreglan hevur enn ikki fingið fráboðan um vindskaðar, tó at onkur hevur ringt inn í morgun og ávarað um leysar takplátur.
Í Skálafirði var so mikið av vindi í morgun, at ein viðfestivognur fór sær ein túr í vindinum, sum myndin omanfyri vísir.
Vinarliga broyt tínar kennifíla - og privatlívsstillingar fyri at síggja hetta innihald