Nógvur vindur í gjár og í gjárkvøldið

Løgregla, kavaruddarar, sløkkiliðsfólk og bjargingarfólk høvdu úr at gera við at hjálpa fólki í gjár og í gjárkvøldið.

Av politistøðini frættist, at telefoni kimaði út í eitt í alt gjárkvøldið frá fólki, sum boðaðu frá vind- og kavaskaða og høvdu tørv á hjálp. Eftir umleið hálvgun tólvtíðina í gjárkvøldið hasaði tað av við fráboðanum, greiðir vaktleiðarin á politistøðini frá.

Fyrstu fráboðanirnar um stormskaða komu beint áðrenn middag í gjár, tá boðað frá, at ein lastbilur var farin útav. Síðan streymaði tað inn við fráboðanum. Her er nakað av tí, sum hendi:

Kl. 13.30 varð boðað frá, at ein bilførari hevði mist tamarhaldi á bilinum í Leynum.

Kl. 15.30: Klædningurin farin av skúri orsaka av vindi í Froðba

Kl. 15.45: Bilur út av vegnum orsaka av vindi í Kollafirði. Persónur brotið beinið av eini hurð, sum bresi upp av vindinum. Sjúkrabilur boðsendur.

Vindskeið farin av hjalli í Sandavági.

Bussus farin av vegnum oman fyri Hov í Suðuroynni. Har var so nógvur vindur, at ein hvirla flutti bussin fleiri metrar út av vegnum.

Í Trongisvági fór eitt finda í sethúsakjallara.

Boðað varð frá flúgvandi lutum í Fuglafirði

Bilur koyrdur ella fokin útav í Kollafjarðardali.

Klædningur farin av skorsteini á Eiði

Bilur koyrdi á skelti í rundkoyring á Argjum, orsaka av hálku.

Jólaprýði sløddist í vindi á Karlamagnusarbreyt á Karlamagnusarbreyt.

Takpláta leys í Vestmanna

Um 19 tíðina var telefonstormur á politistøðini frá bilum, sum boðaðu frá, at ljósskipanin á vegakrossinum í Hoydølum virkaði ikki. Tað lýsti reytt alla tíðina, so bilar, sum skuldu inn í býin stóðu og bíðaðu.

Húsaklædningur rivin í Fuglafirði. Eisini ein húsatekja við at ríva.

Húsatekja fleyg oman í bygdina í Sørvági.

Neystahurð farin í Fuglafirði.

Um 21.30 varð boðað frá, at tekjan var við at ríva í dansistovuni Glæmuni í Kvívík. Sí myndirnar her 

Soloóhapp í Kollafirði orsaka av hálku og vindi. Tá ein hvirla kom, gleið bilurin av vegnum – ongin mansskaði.

Takpláta fór av gamla EB-húsinum/dansistovuni á Eiði.

Í gjárkvøldið rendi ein bilur seg fastan á Velbastaðhálsi og sperraði anðra vegbreytina. Bilførurin var farin at hyggja at veðrinum. Fekk boð um at syrgja fyri at fáa bilin leysan aftur.

Í Sørvági var hurðin á einum bilhúsi farin í knús.

Í Haldórsvík var eitt neyst við at fara í vindi og brimi.

Vindskeið leys á Viðareiði.

Eftir midnátt komu onkrar fráboðanir eisini viðvíkjandi leysum lutum í vindi í Havn.

Buldur í nátt í Havn. Leysar takplátur. kl. 3 í nátt

Vaktleiðarin á politistøðini sigur, at tað bara er í Havn, at rátt verður frá at fara út í ferðsluna, tí kavaruddararnir ikki hava megnað at halda vegirnar fríar fyri kava.

- Sjálvt her uttan fyri politistøðina standa bilarnir fastir í kavafonnunum, sigur vaktleiðarin.

Landsverk boðar frá, at koyrandi eru eftir landsvegunum. Undantakið eru vegirnar til Gjáar, Oyndarfjarðar, um Velbastaðháls og til Syðradals.