Norðhavnin verður longd við tunnilsgróti

Arbeiðið við at koyra grót frá tunlunum norð um fjall í Norðhavnina er byrjað. Í fyrstu syftu hevur tað verið goymt í Árnafirði, men grótið skal ikki verða liggjandi har.

Klaksvíkar kommuna ætlar at nýta tað til nakað, sum er umráðandi fyri kommununa og vinnuna.

Norðhavnin í Ánunum er karmur um nógv virksemi. Í løtuni er hon 317 metrar long, men eftir ætlan skal hon nærum tvífaldast í longd.

Heimasíðan klaksvik.fo skrivar í dag, at grótið úr tunlunum skal nýtast at leingja Norðhavnina í Ánunum við 300 metrum. Eftir ætlan skal økið verða 100 metrar breitt.