Norðoya Sparikassi hækkar renturnar

27. juli hækkaðu Evropeiski Miðbankin og Danski Tjóðbankin enn einaferð leiðandi rentuna, og tí hækka inn- og útlánsrentur í Norðoya Sparikassa eisini, boðar bankin frá í tíðindaskrivi.

Útlánsrentur hækka við upp til 0,25 %-stigum og innlánsrentur hækka við upp til 0,50 %-stigum fyri bæði privat- og vinnukundar.

Sambært Norðoya Sparikassa koma broytingarnar í gildi 20. september. Rentuyvirlitið á heimasíðu sparikassans, www.ns.fo, verður dagført, tá ið broytingarnar koma í gildi.