Norski kongurin innlagdur

Norski Harald kongur er innlagdur á sjúkrahúsi við einari infektión.

Kongurin er sjúkrameldaður og skal verða á norska ríkissjúkrahúsinum í nakrar dagar, upplýsir norska kongshúsið í dag sambært Ritzau.

86 ára gamli norski kongurin var eisini innlagdur við infektión í desember, og hevur hann annars verið innlagdur fleiri ferðir seinastu árini.

Fyrst í 2020 varð hann innlagdur fyri svimbul. Hann varð útskrivaður nakrar vikur seinni. Sama ár varð hann innlagdur og skurðvigðjørdur í hjartanum, har hann fekk eina nýggja hjartaloku. Í 2021 varð hann skurðviðgjørdur í beininum, og í mars í fjør fekk hann staðfest koronu.