Ingi Samuelsen
Norsku heilsumyndugleikarnir, Folkehelseinstituttet, mæla nú norðmonnum frá at ferðast til Føroyar. Føroyar er landið við nógv flestu smittutilburðum av teimum londum, sum Folkehelseinstuttet nú mælir til koma á sokallaða reyðalista.
Folkehelseinstituttet dagførdi í gjár listan, og mælir nú til, at at fimm lond umframt Føroyar, og fleiri landslutir í Svøríki og Danmark, ”gerast reyð”.
Talan er um eina meting, sum Folkehelseinstuttet ger aðru hvørja viku, har smittustøðan í londunum innan ES, EBS og Schengen-økið verða mett. Tað er norska stjornin, sum avgerð um ferðing verður loyvd til og úr hesum londum, men avgerðin verður tikin við støði í metingini hjá Folkehelseinstituttet, á mannamunni kallað FHI.
FHI mælir nú til at seks lond, herundir Føroyar koma á reyðalista umframt seks økir í Svøríki og tvey í Danmark, tí at tað hesa seinastu tíðina hevur verið ein munandi øking av koronasmittu í hesum londum og økjum.
Mælt verður til, at fólk sum koma úr hesum londum og økjum verða sett í karantenu. Tølini í klombrum er talið av smittutilburðum pr. 100.000 fólk seinastu tvær vikurnar: Kýpros (20,1), Poland (23,0), Ísland (25,4), Niðurlond (32,5), Malta (58,6) og Føroyar (205,4).
Og hesi økir í Svøríki: Värmland (20,2), Uppsala (23,9), Dalarna (26,8), Östergötland (28,1), Blekinge (29,5) og Örebro (29,8) og hesi økir í Danmark: Sæland (tó ikki høvuðsstaðarøkið) (26,5) og Miðjútland (42, 3).
Vinarliga broyt tínar kennifíla - og privatlívsstillingar fyri at síggja hetta innihald