Nú ber til at melda seg til Nóllywood 2021

Um eitt sindur minni enn ein mánað verður Nóllywood, árligi filmsskúlin fyri ung, aftur á skrá í Nólsoy.

Nóllywood 2021 verður í Nólsoy í døgunum 4.-11. juli, og sóknast filmverkstovan Klippfisk nú eftir luttakarum.

Øll, sum eru millum 14 og 18 ár, og sum hava hug at læra at gera film kunnu melda seg til.

Tilmelding fer fram við at senda ein teldupost til [email protected] við hesum upplýsingum:

• navn
  
• føðingardagur
  
• teldupostur
  
• tlfnr.
  
• navn og tlfnr. hjá foreldrum ella verja
  

Eisini verður heitt á fólk um at greiða eitt sindur frá, hví tey hava áhuga fyri at læra at gera film, og hvørjar royndir tey hava við filmsframleiðslu. Royndir eru tó als ikki eitt krav fyri at sleppa við, verður upplýst. Spurningar kunnu eisini sendast til Klippfisk umvegis teldupost.