Nú ber til at søkja stuðul til burðardygga menning í norðurlondum

Umhvørvisstovan: Nú ber til at søkja fígging til verkætlanir í 2023, sum snúgva yvirskipað seg um burðardygga nýtslu av náttúru og at steðga missinum av lívmargfeldi umframt fyribyrging av og tillaging til veðurlagsbroytingar frá norðurlendsku arbeiðsbólkunum undir Umhvørvis- og veðurlagssamstavinum hjá Norðurlanda ráðharraráðnum.

Endamálið er at fremja visjón 2030 um, at Norðurlond skulu vera heimsins burðardyggasta øki við at íverkseta Samstarvsætlan fyri Umhvørvi og Veðurlag 2019-2024.

Søkjast kann um stuðul innan hesi evni:

• Lívmargfeldi
  
• Hav og strond
  
• Umhvørvi og luft
  
• Kemikaliu
  

Stuðul verður latin á hvørjum ári. Treyt fyri fígging frá norðurlendsku arbeiðsbólkunum er millum annað, at verkætlanin hevur norðurlendskan áhuga og luttøku úr í minsta lagi trimum Norðurlondum.

Evstamark at søkja um fígging er týsdagin 24. mai 2022.