Nú ber til at søkja um stuðul til útoyggjamenning

Nú ber til at søkja um stuðul til tiltøk, sum virka mennandi fyri útoyggjar.

Stuðul kann veitast einstaklingum, virkjum, feløgum og kommunum. Játtanin, sum er á 1,1 mió. krónur, verður umsitin sambært reglugerð um stuðul til útoyggjamenning, skrivar Umhvørvis- og vinnumálaráðið.

Á heimasíðuni hjá Umhvørvis- og vinnumálaráðnum ber til at taka niður umsóknarblað, sum skal brúkast til at søkja um stuðul, og har ber eisini til at síggja reglugerðina.

Umsóknir skulu sendast til Umhvørvis- og vinnumálaráðið, Gongin 7, 100 Tórshavn ella til [email protected].

Freistin at søkja um stuðul er 1. februar 2021.