Nú eru næstan 7.000 koppsetingar gjørdar í Føroyum

Í gjár vórðu 451 fólk koppsett fyri koronu í Føroyum. Koppsett varð á bústovnum í Suðuroynni og á Landssjúkrahúsinum, skrivar corona.fo.

18 av fólkunum fingu fyrstu koppseting - 433 fingu seinnu koppsetingina. Tilsamans eru 4190 sproytaði einaferð - 2523 fólk hava fingið seinna prikið og eru harvið liðugt koppsett.

Tað merkir, at nú eru tilsamans 6816 koppsetingar gjørdar í Føroyum. 

Nú verður ein stuttur steðgur í koppsetingini, meðan bíðað verður eftir meira koppingarevni. Eftir ætlan kemur ein nýggj sending við umleið 1300 skamtum til Føroya fríggjakvøldið, og so verður koppsetingin tikin upp aftur fyrst í næstu viku.