Nú goysir norðan fyri Grindavík

Í longri tíð hevur verið væntað, at tað fór at goysa á Reykjanesi í Íslandi.

Og um níggju tíðina í kvøld var ein jarðsjálvti á Reykjanesi, sum hevur ført til at groyti er farið at spræna úr undirgrundini nærhendis Hagafell.

Tað er her, at serfrøðingar hava væntað, at útbrotið fór at koma.

Soleiðis sær út úr Njarðvík (Mynd: Visir.is)

Íslendskir miðlar skriva, at myndugleikarnir eru á veg við tyrlu at skráseta støddina og júst hvar útbrotið er.

Herfyri vóru allir íbúgvarnir í Grindavík fluttir burtur frá økinum. Eldgosið er ikki langt har frá.

Omanfyri ber til at fylgja við vevmyndunum hjá íslendska ríkisútvarpinum. Niðanfyri er vevmynd hjá Morgunblaðnum.