Nú kemur endurgjaldið

Hevur tú biðið um at fingið pengarnar fyri Voxbotn 2020 atgongumerki endurrindað, so fært tú pengarnar í seinasta lagi við endanum av næstu viku.

Tað er í øllum førum tað, sum fyrireikararnir miða eftir, verður sagt í fráboðan í kvøld.

Freistin at lata skriv um endurgjald fyri Voxbotn var 7. september, og nú er fólk sett av at gjøgnumganga og gera bankaflytingar.

Fyriskipararnir takka eisini teimum, ið halda fast við síni atgongumerki til útsetta konsertdagin, sum verður 10. apríl 2021.