Nú kemur jólaskipið inn á Runavík

Ein hugnalig løta skuldi verða í Runavík fyri viku síðani, leygardagin 11. desember , tá jólaskipið við jólamonnum og øllum, sum har til hoyrir, skuldi leggja at.

Hon varð útsett, og ístaðin leggur jólaskipið at bryggju við bátahylin í Runavík klokkan 15 í dag.

Tað skrivar Runavíkar kommuna á heimasíðu sínari.

- Í ár fara vit saman við jólamonnunum niðan til jólaøkið við gomlu smiðju, beint við rundkoyringina. Siðvenja hevur verið, at jólamenninir syngja nakrar sangir saman við børnum, og soleiðis verður eisini í ár.

Nes Sóknar Musikkfelag kemur aftur í ár at seta ein hátíðarligan dám á løtuna.