Innanlands

Nú sæst hvør eigur partafeløg í Føroyum

Persónar sum eiga fimm prosent ella meira í einum felagi síggjast nú á yvirliti hjá Skráseting Føroya

(Skíggjamynd)

(Skíggjamynd)

2022-08-11 17:10 Author image
Sverri Egholm
placeholder

Frá 1. februar 2022 var kravt, at øll kapitalfeløg skulu skráseta sínar eigarar, bæði løgligar og veruligar.

Løgligir eigarar eru løgfrøðiligir ella likamligir persónar, sum beinleiðis eiga 5 prosent ella meira av felagsins kapitalpørtum.

Veruligir eigarar eru tann ella teir likamligu persónar, sum í síðsta enda eiga ella havi ræði á einum felag við beinleiðis ella óbeinleiðis ognarrætti yvir einum nóg stórum parti av ognarpørtum ella atkvøðurættindum ella sum hava ræði ella ágóða á annan hátt.

Ein nóg stórur partur merkir í útgangsstøðinum, at ein persónur hevur ræði á meiri enn 25 prosent av ognarpørtunum ella atkvøðurættindunum í felagnum. Hetta markið er ein ábending um veruligan ognarrætt.

Skráseting Føroya hevur nú móttikið so mikið av eigaraupplýsingum, at skipanin kann gerast tøk á heimasíðuni.

Øll kunnu nú rita inn við samleikanum, og leita uppá feløg og persónar. 

- Men gjørt skal vera vart við, at allar móttiknar upplýsingar ikki eru skrásettar enn, og at enn mangla upplýsingar frá fleiri feløgum. Freistin at lata eigaraupplýsingar inn til Skráseting Føroya er 1. september 2022, sigur Skráseting Føroya.

Eigaraupplýsingarnir síggjast her

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder