Nú skal kannast, hví eldur kom í

Fríggjadag seinnapart kyknaði eldur í einum sethúsum í J. H. Schrøtersgøtu í Havn, og kannast skal nú, hví eldur kom í.

Løgreglan sigur við Kringvarpið, at málið er latið kanningardeildini hjá løgregluni, og sleppur eingin inn í húsini, fyrr enn tey eru kannað.

Tað var beint eftir klokkan 13 fríggjadagin, at løgreglan fekk boð um, at eldur var í húsunum. Sløkkiliðið var skjótt á staðnum, og um hálvgum trý-tíðina var eldurin sløktur.

Ein persónur var inni í húsunum, tá eldurin kyknaði, men viðkomandi slapp út í øllum góðum.

Sí eisini: Myndir: Roykur í øllum grannalagnum