Nú skulu píkadekkini av aftur

Hósdagin 6. mai lýsti Jørgen Niclasen, landsstýrismaður nýggja kunngerð um nýtslu av dekkum, sum longdi tíðarskeiðið, har loyvt er at koyra við píkadekkum við tveimum vikum, og í dag skulu píkadekkini av aftur.

Í gomlu kunngerðini frá november 2013 stendur, at tað ikki er loyvt at koyra við píkadekkum í tíðarskeiðnum 1. mai til 15. oktober, men í farnu viku varð tað broytt, so píkadekk kunnu nýtast fram til 15. mai, sum er í dag.

Tó eru onkur undantøk. Neyðsendarakfør og akfør, sum verða nýtt í sambandi við vetrarhaldið hjá landi og kommunum, kunnu nýta píkar teir dagar, ið hálka er. Tað sama er galdandi fyri stovnsbilar hjá Kriminalforsorgini og stovnsbilar hjá kommunalu heimatænastuni.