Nú stendur seinasti IS-skansin í Sýria tómur

150 stríðsmenn hjá Islamiska Statinum góvu seg í gjár yvir við tí, sum verður kallað seinasti IS-skansin í Sýria. Umframt teir 150 stríðsmenninar fóru 250 onnur fólk eisini úr staðnum.

IS-stríðsmenninir góvu skansan yvir til amerikanskar herdeildir í Baghouz í gjár.

Stríðsmenninir góvu seg yvir eftir at sýrisku demokratisku styrkirnar seinastu dagarnar hava framt eitt stórsligið álop móti IS. Nú síðsti skansin er tikin, er lítið og einki eftir av IS í Sýria.

Seinastu vikurnar hava IS-stríðsmenn goymt seg millum sivil fólk í Baghouz. Av tí saman hevur verið torført hjá sýrisku demokratisku styrkjunum at fremja hetta endaliga álopið.

Fríggjadagin vóru tey allarflestu sivilu rýmd úr Baghouz og tí varð gjørligt at fremja álopið.