Nýggi frítíðarskúlin á Toftum tikin í nýtslu eftir páskir

Arbeiðið við at út- og umbyggja Frítíðarskúlan á Toftum er nú komið so mikið áleiðis, at nýggi bygningurin eftir ætlan verður tikin í nýtslu eftir páskir.

Tá fer skúlabólkurin, sum nú er í Barnagarðinum, at flyta yvir í Frítíðarskúlan, boðar Nes kommuna frá.

Tá kommunan í november 2020 samtykti fíggjarætlanina fyri 2021, varð tað samstundis avgjørt, at frítíðarskúlin eisini skuldi hava opið fleiri dagar, tá nýggi bygningurin var liðugur og tikin í nýtslu.

Serliga verður hugsað um frídagarnar hjá skúlanum gjøgnum árið, meðan summarfrítíðin verður óbroytt.

Peningur er settur av til endamálið, men neyðugt verður at gera eina tilmeldingarskipan við ávísum treytum, sigur kommunan. Alt hetta verður fráboðað foreldrunum, tá nýggi frítíðarskúlin verður tikin í nýstslu.