Nýggj landsstýrisfólk tilnevnd

Á móttøku í Tinganesi seinnapartin tilnevndi Aksel V. Johannesen, løgmaður, nýggju landsstýrisfólkini eftir landsstýrisrokaduna hjá Tjóðveldi, sum inniber, at bæði Dennis Holm og Høgni Hoydal taka sætil á løgtingi.

Sirið Stenberg, ið hevur verið landsstýriskvinna við almanna- og mentamálum, er nú landsstýriskvinna við uttanríkis- og vinnumálum.

Eirikur í Jákupsstovu, tingmaður fyri Tjóðveldi, er tilnevndur sum nýggjur landsstýrismaður við almanna- og mentamálum.

Jóhan Christiansen, fyrrverandi borgarstjóri í Eysturkommunu, er tilnevndur sum nýggjur landsstýrismaður við fiskivinnu- og samferðslumálum.