Nýggj nevnd í Havnar Sjónleikarfelag

Havnar Sjónleikarfelag hevði aðalfund á flaggdegnum. Nevndarval var eisini, og tveir nýggir limir skuldu veljast í nevnd. Fyri vali stóðu Hanna Flóvinsdóttir og Rói Næs, sum hvørgin stillaði uppaftur.

Nýggju nevndarliminir vórðu Vígdis Tindskarð Klein, ið áður hevur sitið sum tiltakslimur, og Eir í Ólavsstovu.

Eftir aðalfundin skipaði nevndin seg soleiðis: Jákup Dahl Wardum, formaður, Hjálmar Dam, næstformaður, Christa R. Weihe, skrivari, Vígdis Tindskarð Klein, nevndarlimur, Eir í Ólavsstovu, nevndarlimur, Birgir Djurhuus, tiltakslimur og kassameistari og Beinta Flóvinsdóttir, tiltakslimur.

Nýggja nevndin takkar fráfarandi forkvinnuni, Honnu Flóvinsdóttir, og nevndarliminum, Róa Næs, fyri drúgva arbeiðið seinastu mongu árini.