Nýggj semja gjørd viðvíkjandi barnatannlæknum

Semja er gjørd við Dansk Tandlægeforening fyri tíðarskeiðið 1. oktober 2022 til 1. oktober 2025.

Hesum boðar Kommunala Arbeiðsgevarafelagið frá fyrrapartin.

Av tí at tað er ein semja, sum eitur frá oktober 2022, so eru lønarhækkingarnar afturvirkandi eisini.

Tær eita soleiðis: 1. oktober 2022 er hækkingin 3,8 prosent, frá 1. oktober 2023 er hækkingin 4,2 prosent, og frá 1. oktober í 2024 verður hon 4,75 prosent.

Sáttmálin fatar um skúlatannlæknarnar - barnatarnlæknar. Teir eru eru undir Dansk Tandlægeforening, ið hevur verið til samráðingar við Kommunala Arbeiðsgevarafelagið.

Nýggj áseting er í § 17 um barsil, umframt at avtala um tiltøk, ið kunnu stuðla undir ein virknan starvsfólkapolitikk á kommunalum stovnum, er lagdur í framhaldi av sjálvum sáttmálanum, skrivar kaf.fo.