Uttanlands

Nýggjárstaffel hjá drotningini avlýst fyri fyrstu ferð í 16 ár

Orsøkin er covid-19, sigur Kongshúsið – Hetta er bert aðru ferð síðan 1972, at nýggjársborðhaldið hjá drotningini verður avlýst, fyrstu ferð var í 2005

Nýggjársrøðan hjá drotningini verður tó hildin sum vænt (Savnsmynd)

Nýggjársrøðan hjá drotningini verður tó hildin sum vænt (Savnsmynd)

2020-10-25 14:40 Author image
Alda Nielsdóttir
placeholder

Í 2021 verður einki nýggjárstaffel hjá Margrethu drotning.  Avgerð er nevniliga tikin um at avlýsa borðhaldið orsakað av støðuni við covid-19 í Danmark, boðaði Kongshúsið frá í vikuni.

Drotningin er annars á hvørjum ári vertur fyri nýggjársborðhaldinum fyri donsku stjórnini, formanninum í fólkatinginum og øðrum almennum umboðum úr ríkinum og hovinum 1. januar.

Tað er bert hent einaferð áður, at drotningin hevur avlýst siðbunda nýggjársborðhaldið. Tað var í 2005 orsakað av flóðalduni, sum rakti landsynningsasia 2. jóladag 2004.

Í staðin fyri stóra borðhaldið verður ein minni samkoma hildin á Christiansborg 4. januar fyri forsætisráðharranum og nøkrum fáum øðrum.

Nýggjársrøðan hjá drotningini verður tó sum vænt 31. desember.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder