Alda Nielsdóttir
Seinastu dagarnar er eitt nýtt rák byrjað at gera um seg millum tey kendu á Instagram. Og viðkomandi, sum byrjaði hetta er eingin onnur enn heimskenda countrysangkvinnan Dolly Parton.
74 ára gamla Dolly Parton legði týsdagin eina mynd á Instagram – ella rættari sagt fýra myndir í einum. Myndirnar vístu, hvussu hon hevði presenterað seg á ávikavíst Linkedin, Facebook, Instagram og Tinder, sum allir eru sosialir miðlar, sum verða brúktir til ymisk endamál.
![[object Object]](https://cdn-ac.knassar.fo/media/2020/01/25/gallery-thumbnail/skarmbillede-2020-01-25-kl.-12.23.48.png)
Mynd: Dolly Parton á Instagram
Eitt nú er Linkedin meira professionelt, meðan Facebook er meira familjuvinarligt, og Tinder verður brúkt til dating.
– Fá tær eina kvinnu, sum kann alt, skrivaði Dolly Parton í myndatekstin.
Síðani hava fleiri onnur kend fólk lagt líknandi myndir út undir #dollypartonchallenge, skrivar TV2. Talan er m.a. um Ellen DeGeneres, Janet Jackson og Gordon Ramsay
Vinarliga broyt tínar kennifíla - og privatlívsstillingar fyri at síggja hetta innihald