Níggju sjálvmorðsbumbumenn sprongdu seg í luftina

Tilsamans vóru níggju sjálvmorðsbumbumenn, sum sprongdu seg sjálvar í luftina í álopunum í Sri Lanka páskadag. Spreingingarnar kravdu fleiri enn 350 mannalív og fleiri enn 500 vórðu særd.

Átta av sjálvmorðsbumbumonnunum eru eyðmerktir, sigur løgreglan í Sri Lanka við Reuters. Ein av sjálvmorðsbumbumonnunum hevur lisið í Stórabretlandi og Avstralia, sigur varaforsætisráðharrin Ruwan Wijewardene.