Nýggjur leiðari í Korndalsgarði

Kristina Toftegaard Larsen verður nýggjur leiðari í barnagarðinum Korndalsgarði á Eiði. Kristina er búsitandi í Fuglafirði og er 55 ára gomul.

Kristina hevur drúgvar royndir innan bæði tað námsfrøðiliga økið, fyrisiting, roknskap og leiðslu.

Kristina byrjar í starvinum 1. juli, skrivar Eiðis kommuna á heimasíðu síni.

Kristina Toftegaard Larsen hevur fyrr verið stjóri í Dugna og eisini leiðari fyri eldrasamstarvinum hjá Fuglafjarðar og Eysturkommunu, Nánd.