Nýggjur samráðingarleiðari verður funnin seinnapartin

Aksel V. Johannesen hevur nú verið hjá løgtingsformanninum og biðið hann loyst seg úr starvi, og skal løgtingsformaðurin nú hitta allar floksformenninar, so peikast kann á ein nýggjan samráðingarleiðara.

Páll á Reynatúgvu, løgtingsformaður segði við Útvarpið í morgun, at málið væntandi verður avgreitt í dag.

Fyrsti floksformaðurin, sum skal hitta Páll á Reynatúgvu er formaðurin í størsta flokkinum, Jørgen Niclasen, og tað verður klokkan 13.

- Klokkan hálvgum fýra, ella har áleið, gangi út frá, at vit eru klár at siga, hvør hevur fingið mandatið til at royna samráðingar um nýggja stjórn, sigur løgtingsformaðurin.