Nýggjur sendimaður vil leggja trýst á Føroyar

Nýggi ukrainski sendimaðurin í Danmark er alt annað enn fegin um, at Føroyar og Russland hava avtalu um fiskiveiðu.

- Eg kann ikki vera foreintur um, at nakað land hevur handil við Russland, tí hvør einasta króna, sum landið forvinnur, verður brúkt til eina krígsmaskinu, sum endar við rakettum og bumbum í heimlandi mínum.

- Eg vóni at vit klára at steðga tí, sigur Andrii Yanevskyi við Danmarks Radio, og sipar til fiskiveiðiavtaluna millum Føroyar og Russland.

Hann sigur, at roynt verður at fáa føroyska landsstýrið at skilja, at tað ikki er eitt gott hugskot at gera avtalur við Russland.

Andrii Yanevskyi tók við sum ukrainskur sendimaður í desember í fjør.