Nýggjur serlækni í onkologi settur á Klaksvíkar Sjúkrahúsi

Peter Buhl Jensen, serlækni í onkologi er settur í starv á Klaksvíkar Sjúkrahúsi. Hann tók við starvinum 1. september.

Peter Buhl Jensen hevur m.a. starvast sum yvirlækni á Ríkissjúkrahúsinum og sum leiðandi yvirlækni á onkologisku deild á sjúkrahúsinum í Aalborg. Umframt hetta hevur hann drúgvar royndir í gransking og menning av krabbameinsheilivági.

Við Norðlýsið sigur serlæknin, at honum dámar sera væl at arbeiða á einum minni sjúkrahúsi sum tað í Klaksvík, tí hann sleppur at arbeiða breitt við almennum medisini og brúka nógv fleiri av sínum førleikum.