Nýsæland fer at lata landamørkini uppaftur

Í Nýsælandi vóru tey skjót at lata landamørkini aftur fyri hálvumøðrum ári síðani, og hóast tey hava klárað at hildið koronasmittutalið á einum lágum støði, hevur afturlatingin givið aðrar avbjóðingar.

Seinasta hálvtannað árið hevur tað nevniliga verið ógjørligt hjá oyggjalandinum at innflyta útlendska arbeiðsmegi, og tí mangla fólk á nýsælendska arbeiðsmarknaðinum, skrivar Ritzau.

Bæði fyritøkur og tað almenna hevur lagt trýst á forsætisráðharran, Jacinda Ardern, og hevur hon boðað frá, at hon fer at kunngera meira um upplatingina av landamørkunum seinni í vikuni. Hon undirstrikar tó, at hetta skal gerast varliga.

– Vit eru komin ov langt og hava tryggjað okkum ov nógv frælsi til, at vit skulu framskunda tilgongdina og enda við at at verða noydd at bakka, sigur hon.