Nýtt hitamet sett á Antarktis

Hósdagin máldi ein argentinsk granskingarstøð á Antarktis hitan í økinum. Mátingin vísti 18,3 stig.

Sambært World Meteorological Organization (WMO), er hetta tað hægsta, sum nakrantíð er mált har.

– Tað er ikki ein máting, mann vanliga hevði sett í sambandi við Antarktis. Heldur ikki á sumri, sigur talsfólk hjá WMO sambært Ritzau.

Gamla hitametið á Antarktis er frá 2015 – 17,5 stig.

Áður hevur mann skrásett 19,8 stig á einari oyggj í antarktiska økinum, men nýggja mátingin á 18,3 er met fyri sjálvt Antarktis.