Nýtt kuldamet sett á "kinesiska norðpólinum"

Mohe, norðasti býur í Kina, hevur júst sett nýtt kuldamet.

Í gjár vórðu 53 kuldastig skrásett í býnum, ið er tað kaldasta, sum nakrantíð er mált í býnum, siga veðurfrøðingar sambært CNN.

Gamla metið, ið var frá 1969, var 52,3 kuldastig.

Mohe, sum eisini er kendur sum "kinesiski norðpólurin", er eitt av fáum støðum í landinum við subarktiskum veðurlagi. Veturin í økinum byrja fyrst í oktober og vara ofta fram til mai.

Í grannalandinum, Russlandi, er heimsins kaldasti býur, Yakutsk, og har eru fleiri kuldamet sett í januar. Í farnu viku fór hitin niður á 62,7 kuldastig, sum er tað kaldasta í yvir 20 ár.