Nýtt reinsiverk til Brekkugerðar Vatnfelag

Í mai mánað varð Brekkugerðar Vatnfelag endaliga yvirtikið og við tí fór eisini seinasta privata vatnfelagið í Vágs kommunu í søguna.

Einki reinsiverk varð knýtt at Brekkugerðar Vatnfelag, og av somu orsøk verða brúkarar, sum fáa drekkivatn frá gamla Brekkugerðar Vatnfelag bidnir um at kóka vatnið, skrivar Vágs kommuna.

Síðan í mai hevur verið arbeitt við loysn og nú er nýtt reinsiverk bílagt, ið verður sett upp við brunnin hjá Brekkugerðar Vatnfelag. Í farnu viku vóru starvsfólk á teknisku deild hjá kommunu og fingu kunning um reinsiverkið, sum er bílagt í Danmark.

Nú verður farið undir at gera økið við brunnin hjá Brekkugerðar Vatnfelag klárt til at seta upp reinsiverk. Gongst sum ætlað verður reinsiverkið sett upp í november.