Ófráboðaðir fyrispurningar á skránni í dag

Í dag kemur tingið aftur saman, og tá eru m.a. ófráboðaðir fyrispurningar á skránni.

Eisini skal atkvøðast um ein skrivligan fyrispurning hjá Bjarna Kárason Petersen, tingmanni. Hann hevur spurt Magnus Rasmussen, landsstýrismann í umhvørvis- og vinnumálum um útbjóðing til leiting eftir og framleiðslu av kolvetni.

Eisini er framløga á skránni umframt umrøða av tveimum skrivligum fyrispurningum hjá ávikavíst Bjarna Hammer og Høgna Hoydal um barnaverndarlógina og fiskirættindi.

Dagsins tingfundur byrjar nú klokkan 11.