Ófriður í Barcelona ávirkar flogferðsluna

Ófriður er í katalanska høvuðsstaðnum Barcelona, og fleiri samanbrestir hava verið millum mótmælisfólk og løgregluna.

Fleiri túsund mótmælisfólk hava eisini verið á El Prat floghavnini í Barcelona, og har hava samanbrestirnir havt við sær, at fleiri enn hundrað fráferðir og komur eru avlýstar.

Les eisini: Ófriður í Barcelona eftir fongsuslsrevsing til politikarar

Men flúgvingin millum Vágar og Barcelona varð tó ikki rakt av ófriðinum.

Tað segði Jóhanna á Bergi, stjóri hjá Atlantic Airways við Útvarpið á middegi.

Eitt flogfar fór til Barcelona klokkan 8.12 í morgun, og flogfarið er í løtuni ávegis til Vágar aftur úr Barcelona og væntast at lenda klokkan 16.17.