Ógvuslig melduródn herjir sunnara partin av USA

Fleiri fólk í býnum Franklin í amerikanska statinum Texas eru vorðin heimleys.

Orsøkin er ein melduródn, ið herjaði ein stóran part av Texas í gjár.

Fleiri hús vórðu javnað við jørðina, og sambært lokalu løgregluni hava tvey børn í býnum Lufkin latið lív. Hetta hendi, tá eitt træ koppaði niður á bilin hjá familjuni. Foreldrini fingu ongan skaða.

Vindurin var upp til 62,5 m/s.

Veðurfrøðingar mæli til, at fólk halda seg innandura ella rýma úr teimum økjum, sum eru í vanda fyri at verða rakt at melduródnini, skrivar DR.