Ógvusligur roykur í Norðoyatunnlinum

Sera nógvur roykur er í Norðoyatunnlinum í løtuni. Arbeitt verður við at seta gongd á blásararnar fyri at bøta um sýnið gjøgnum tunnilin.

Orsøkin er, at ein ruskbilur fekk motortrupulleikar, sum elvdu til nógvan royk.

Meira veit løgreglan ikki um málið í løtuni.

Roykurin er tó ikki so nógvur, at tunnilin er stongdur, men vakthavandi á løgreglustøðini upplýsir, at ferðslan er seinkað.

Arbeitt verður í løtuni við at sleipa bilin úr tunnlinum.