Olja funnin við Leitisvatn

Um vikuskiftið fekk løgreglan eina fráboðan frá einum borgara, sum helt seg hava luktað olju við Leitisvatn, tá viðkomandi var farin oman har at fiska.

Vakthavandi á politistøðini í Havn sigur, at løgreglan hevur verið og kannað málið í morgun, og at staðfest er, at talan er um olju.

Ógreitt er, hvar oljan er frá, ella nær hon er komin, men hon kann møguliga vera komin frá flogvøllinum, sigur vakthavandi.