Øll fólkini funnin og bjargað

Øll tíggju fólkini, sum leitað varð eftir í gjár eftir eitt skalvalop á fjallinum Trittkopf í Eysturríki, eru nú funnin.

Tað upplýsti løgreglan í Eysturríki í morgun.

Myndugleikarnir bótu ótta fyri, at umleið tíggju skíðakarar lógu undir skalvinum, men tað vísti seg, at seks av teimum als ikki vórðu rakt av lopinum. Fýra fólk eru innløgd við skaðum eftir at tey vórðu rakt av skalvinum – ein teirra havur fingið álvarsligar skaðar, skrivar NRK.

Orsøkin til, at løgreglan arbeiddi við talinum tíggju, var eitt videobrot hjá einum eygnavitni.

Í morgun boðaði løgreglan so frá, at tey ikki rokna við, at fleiri fólk eru rakt av skalvalopinum.

Umleið 200 sjálvboðin og nógvir hundar og fleiri tyrlur vóru við í leitingini.